Ghaflat-e-Kainaat

In nacheezo'n ke seenay tu daikho,
Woh akar, woh ghafllat, woh mussarrat tu daikho

Rishto'n ko jornay ki is bhagdarh ko daikho
Ulfatein samaith samaith ke,
chehro pe woh ronaq tu daikho

Hojai mayosi- bass in ke alam ko daikho,
woh aanso'on ki raftar, woh jazbaat ki miqdar,
is nafsiyati pan ko tu daikho

Jo hoga ussay bhula ke,
Jo hogiya us pe inhein rotay tu daikho
Aaj hi aaj mein inhein jeetay tu daikho

Mazi, Haal, Mustaqbil,
kaho! issi pe fana hai zindagi?
Kabhi is se agay soach ke tu daikho

Aankh aujhal, paharh aujhal,
bass oonchay makano'n ke khuab hi daikho,

Ashraf banaya tujhay jis ne,
Us tak puhunchnay ki rah tu daikho,
Kabhi kisi khuli qabar mein jhaank ke tu daikho...